Naartuersinneq assigiinngitsunik isumaqarfigineqarpoq

Naartuersittut akiliisalernissaannik Siumummersup Malik Berthelsen-ip apeqquteqaateqarnera tusagassiorfiit qarasaasiatigoortut atorlugit politik-erini inuiaqatigiinnilu oqallinnermik pilersitsivoq.
aggustip 14-at 2009 08:23

Tamannalu SIK siulittaasuata Jess G Berthelsen-ip isumaqatiginngilaa pissakinnerusut naartuersinnissamut sipaarniarlutik naartuminnik atatitsiinnartalernissaat, tamassumalu kingunerisaannik isumaginninnikkut aningaasartuutit pinerlunniarnerillu qaffariarujussuarnissaat ernummatigigamiuk.

Demokratineersup Anda Uldum-ip naartuersittartut amerlavallaarujussuarneri isumaqatigaa. Paasisitsiniaanerillu akiliisalernissamiit orniginartinnerullugit.

Tamannalu naammanngitsoq Malik Berthelsen Siumut tunuliaqutaralugu inatsisartunik ilaasortaq isumaqarpoq.

Naartunaveersaatit akeqanngitsut, kiisalu paasisitsiniaanerit atuutereersut annertunerusumik sunniuteqarsimanngimmata, kiisalu ilaatigut arnat quleriarlutik peersitsisarsinnaappata inatsimmik sukaterinissaq piffissanngortoq isumaqarami.

Illuatungeriit tamarmik isumaqarput naartuersittarnerit ikilisinniarnissaat naalakkersuisuni oqallisigineqaqqittariaqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq