- Taamaattumik  toqutsisimasumik nassaartoqarsimanersoq ilisimanngilarput, Avannaani eqqartuussiviit pisortaat Nikolaj Geisler KNR-imut oqarpoq.

Ilulissani toqutsinermut tunngatillugu misissueqqissaarnerit naammassineqareersut, vicepolitiinspektørip Viggo Johansenip KNR-imut allakkatigut nalunaarutigeqqammerpaa. Teknikkikkullu misissuinerit inernissaat politiinit maanna utaqqiinnarneqarlutik.

- Danmarkimi misissueqqissaarnerit inerneri tigoriarutsigik suliamut inerniliinissarput naatsorsuutigaarput, Viggo Johansen allappoq.

Angut 19-inik ukiulik ikeqarluni  maajip arfineq aappaanni napparsimmaviliaanneqarmat politiit attavigineqarput.
Toqutsinermullu paasiniaanermut atatillugu Danmarkimi politiit qullersaqarfianni immikkut ilisimasallit ikiortiserineqarput, soorlu aamma innuttaasut toqutsinermut atatillugu takunnissimasinnaasut imaluunniit ilisimasaqartut politiinut attaveqarnissaat kaammattuutigineqarsimasoq.

Suliamullu tunngatillugu politiit annerusumik erseqqissaateqanngillat, tassami toqutsisimasumik nassaartoqarsimanersoq suli oqaatigineqanngilaq.