Naammassinagu ataatsimiipput
Ataatsimiinnerup naammassinnginnera pillugu kukkunersiuinermi ataatsimiititaliap siulittaasuata Godmand Rasmussenip, atassummeersup, radioaviisimut nassuiaatigaa ataatsimiinneq unnugu arfineq pingasunut nanginneqartariaqassasoq ataatsimiititaliami ilaasortat ilaata nalunaarusiamik pissarsisimannginnera tunngavigalugu.
Godmand Rasmussen ilaatigut ilisimatitsivortaaq ataatsimiititaliaq Nuummut ataatsimiigiartariaqarsinnaasoq, suliaq ilungersunartutut taasariaqarsorigamiuk. Taamatuttaaq nalunaarusiap saqqummiunneqarsinnaanngikkallarnera ilanngullugu oqaatigaa.
Jens B. Frederiksen demokraatit sinnerlugit inatsisartuni ilaasortaasoq, tamanna pillugu oqarpoq paasisinnaanngilluinnarini sooq nalunaarusiaq innuttaasunut tusarliunneqarsinnaannginnersoq.
