Naammasseriaannarnik nerisassarsisarpugut

Nerisassat peqqinnartut pisiarinerani peqqinnisaq eqqarsaatigineqartaraluartoq, peqqinnartuuneri eqqarsatigineqarpallaarneq ajortut inuit pisiniarfimmi pisiniat oqaloqatigisatta oqaatigaat.

Siunissami peqqinnerunissarput eqqarsaatigissagutsigu inuusaasserput allanngortittariaqartoq ilisimatooq Peter Bjerregård ippassaq oqarpoq. Pisiniarfinnili inuit naapitagut inuussutissanik pisiniaraangamik tamatigut akit aalajangiisuusartut amerlanerit oqaatigaat, aammali peqqinnanngitsorpassuit pisiassat akornaniilersimasut, pisiniartartut ilaat Makkammik atilik oqarpoq.

- Nerisassat peqqinnartunik tamatigut  akoqarneq ajoramik. Pisiniat nerisassat inuussutissartaannik  misissuineq ajorput, ajornannginnersiuisarnermik. Tuaviinnarsuaq erniinnarlu naammassisinnaasunik nererusuttaratta ilaannikkut, uukapaatitarujussuartarpugut.  

Pisiniartoq alla ilaliivoq.

-Peqqinnerulissagutta inuusaaserput allanngortariaqartoq, peqqinnangitsullu akitsulaartariaqartut. Qallunaaminiunerusut  nerisarpagut kalaalimerngit akisunerungaatsiarmata, allanngortinneqassappallu kalaalimerngit akikillisariaqarput.

Pisiniartartup allap qallersuutissat nerisassallu kissariaannaat pisiariniarpai, igaassanilu allaanerusinnaagaluarnerarpai. Isumaqarpoq akikinnersiorsiorneq peqqinnannginnerusunik nerisaqalernermik kinguneqarsimasoq.