Naamaartarneq Ilulissani akiorniarneqalerpoq

Naamaarniartut Ilulissani amerliartuinnavimmata naamaartarnerup kingunerisinnaasai pillugit ullumimiit aallartittussamik paasisitsiniaasoqassaaq. Pitsaaliuinermut allaffik ullaaq manna nalunaaqutaq qulingiluaniit tamanut ammassaaq. Naamaartarneq pillugu paasissutissat agguaanneqassapput, naamaartarnerullu kingunerisinnaasai DVD-kkut isiginnaarneqarsinnaassallutik.
Allattoq Mads Lynge
septembarip 05-at 2008 05:58

Pitsaaliuinermut siunnersorti Helga Nielsen ima oqarpoq:

- Naamaartarneq assigiinngitsunik sunniuteqartarpoq. Qarasaq akornuserneqarsinnaavoq. Aqajaroq, torluk, puaallu aamma akornuserneqarsinnaallutik, soorluttaaq tinguit, tartut, qingaq, qaneq uummallu akornuserneqarsinnaasut, Helga Nielsen oqarpoq.

Naamaarniartarnerup akiorniarneqarnissaa kommunit kattussuunneqarpata suliniutissatut aamma qulequtarineqartussatut siunniunneqarpoq, naamaarniartarnerullu akiorniarneqarnerani angajoqqaat aamma peqataalluarsinnaasut, Helga Nielsenip oqaatigaa:

- Angajoqqaat meeqqatik oqaloqatigisarnerunissaat pisariaqarsoraarput, paasissutissanillu meeqqaminnut tunioraasarnissat pingaartillutigu. Pinerluutiginiarneqarniarsasrisut taamaasillutik ingalassimaniarneqarsinnaassapput, Ilulissani pitsaaliuinermut siunnersorti Helga Nielsen oqarpoq. Ilulissani pitsaaliuinermut allaffik tamanut ammassaaq nalunaaqutaq qulingiluaniit ualeru nalunaaqutaq marluk tungaanut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq