Naamaartarneq Ilulissani akiornialerpaat
Ilulissani meeqqat inuusuttuaqqallu akornanni naamaartoqartarnera pissutigalugu Ilulissani pitsaaliunermik siunnersorti, Helga Nielsen, innuttaasunut ikioqqulluni saaffiginnippoq.
Allattoq Louise M. Kleemann
Naamaarutinik assiginngitsunik atuisoqartartoq paasineqarpoq aammalu sumiiffinni assigiinngitsuni naamaartoqartarnera paasineqarluni. Taamaattumik illuaqqat, containerit quillu parnaarneqarnissaat kajumissaarutigineqarpoq. Aammattaaq suliffeqarfiit gassinik assigisaannillu pigisaqartut isumannaallisaaqquneqarput.
Naamaartoqarsimaneranik pasitsaassisoqarpat tamanna politiinut nalunaarutigineqarnissaa aamma kaammattuutigineqarpoq. Kiisalu nuertarfiit gassinik assigisaannillu naamaarutaasinnaasunik nioqquteqartut kajumissaarneqarput, tigoriaannarnut inissinnagit allamut inississagaat.