Naalungiarsuk toqoreersimasorisaq aalalersimasoq

Naalungiarsummik toqungasorisamik ilisisut tupatsitaarujussuarput. Naalungiarsuk ilivermut ilineqalerlunilu aalaleriataarsimavoq.

Naalungiarsuup niviarsiaqqap angajoqqaani ilisinermilu peqataasut 200-t tupatserujussuarsimavai, ilivermut ilineqartussanngorluni aalaleriataarsimavoq.

Naalungiarsuk inoorlaaq siusinaarluni inunngornerminit Malaysiami napparsimmavimmi nakorsanit toqoreersutut nalilerneqarsimagaluarpoq. Toqungasissai atitinneqareersullu nunamut matoorneqartussanngortoq angutaata malugilersimavaa, paneeqqani toqoreersimasorisaq aalalaalersimasoq.

- Sakima naalungiarsuk toqunngasissaanik atisalersoruttuleraa, pileriallarpara aalasunnguanngortoq, taama oqarpoq, nuannaaqisoq, tupassimaqisorlu naalungiarsummut ataataasoq; Azmi Masiron, aviisimut, New Straits Times-imut.

Nakorsat naalungiarsuk inuusimatsiartorlu toqusimasutut nalilersimavaat, angutaalu napparsimmavimmiit ingerlaannaq biilerluni illoqarfigisaminut angerlarsimavoq, 5 kilometerinik ungasissusilimmiittumut.

- Biilernitsinni naalungiarsuk aalarianngilluinnarsimavoq. Tupaqqasorujussuuvunga. Neriuppunga angajoqqaat allat tamanna misigissanngikkaat, Azmi Masiron oqarpoq.

Naalungiarsuk taamaallaat 330 gram-inik oqimaassuseqartoq, maannakkut napparsimmavimmi anersaartuuserlugu uninngatinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat