Naalungiarsuit angerlarsimaffissaat pilersinneqalerpoq

Naalungiarsuit angerlarsimaffiup avataanut inissinneqarsinnaanerat Tasiilami ajornannginnerulissaaq.

Tasiilami Prinsesse Margrethep Børnehjemmea naalungiarsuit aamma anaananngujaarsimasut ataataanngujaarsimasullu angerlarsimaffiattut aamma ilaqutariit ilinniarteqqinneqartarfiattut, Kommuneqarfik Sermersuup atulissavaa.

- Atorfissaqarteqaarput, pingaartumik naalungiarsuit angerlarsimaffissaat amigaatigiuartaratsigu, Kommuneqarfik Sermersuup tungiuinermut ataatsimiititaliaani siulittaasoq, Astrid Fleischer Rex, oqarpoq.

Tasiilami angerlarsimaffittaassaq aappaagu pilersinneqarniarpoq, qaqugorpiarli ammassanersoq suli qulakkeerneqanngilaq.

Nuummi 2011-ip ingerlanerani pilersitsisoqarniarpoq aappaagulu taanna pilersaarusiorneqaleriissaaq.

- Nuummiittussaq Tasiilamiittussarlu Kommuneqarfik Sermersoormiunit tamaneersunit atorneqarsinnaassapput.

- Sumiikkaluaruttaluunniit misilittagaqarfigaarput, naalungiarsuinnguit angerlarsimaffiup avataanut inissinniaraangatsigik tigujumaneqarpiarneq ajortut, taamaattumik assut pilersitsisoqartussanngormat qujnarpoq, Astrid Fleischer Rex, oqarpoq.

Ilanngutassiaq unnugu Qanoruukkut takuneqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat