Nukappiaraq Kacper Polenimi ippassaq inunngorpoq, inoorlaannguarlu meeqqanut allanut inunngortunut naleqqiulluni allaassuteqarmat alutorsaatigineqarluinnarpoq.
Oqaatigineqarpoq oqaluttuarisaanermi meeqqat inunngortut angissusaat eqqarsaatigissagaanni, Kacper anginerpaat ilagissagunaraat, tassami inunngorami 7,1 kilomik oqimaassuseqarsimavoq.
Kacper angivallaaqimmat arnaa 45-nik ukiulik - sisamassaa qitornisoq - pilattarlugu ernisinneqarsimavoq, nakorsanillu ernisussiortunit oqaatigineqarpoq, Kacperip inunngornera Europami nakorsaqarnerup oqaluttuarisaanerani tupinnartuliaasoq.