Naalugiarsuit toqunartortalimmik immuttorsimasut tallimariaammik amerlanerupput
Naalungiarsuit 300.000-it missaat napparsimareersimanngikkunik suli napparsimasut, Kinami oqartussaasut ilisimatitsissutigaat.
Siullermik nalunaarutigineqaraluarpoq naalungiarsuit melaminitorsimasut 53.000-it nappaalalersimasut, suliluunniit nappaalallutik, paasissutissalli kingullit takutippaat arfinileriaammik amerlanerusut.
Akuutissaq toqunartulik, melamin, immunnut panertunut akuliunneqarsimavoq atuisartut isumaqarniassammata immuit panertut proteineqarluartut, taamaammat meeqqanut peqqinnarlutik.
Oqartussaasut oqarnerat naapertorlugu maanna aamma paasineqarpoq, naalungiarsuit arfinillit immunnik melaminimik akulimmik immuttortarsimanermik kingunerisaannik toqusimapput, tassa siullermik ilimagisamiit marloriaammik amerlanerullutik.
Naalungiarsuit 300.000 ingajaat melaminimik akulimmik immuttorsimasut quumik aqqutaatigut tartumikkullu ajoquteqalersimapput, 52.000-ngajaat napparsimmavimmut unipput, 861-it suli uninngapput, taakkunanngalu 154-it inuunerat suli navianartorsiorpoq.