Naaligartartoq ajugaaniutivinnissamut annguppoq
Kalaaleq inuusuttoq naaligartartoq, Andreas Skifte, OL-ernermi Bertelsenitut taagorneqartoq, ippassaq radioaviisimi oqaluttuarisarput, Tyrkiami inuusuttut OL-erneranni ajugaaniutivinnissamut annguteqqammerpoq.
Allattoq Per Andersen
Andreas Skifte 65,44 meterimut naaligarami, nammineq rekordiliarisimasani qaangerpaa. Taamaalillunilu aasaq Lyngby Gameseqarnerani rekordiliarisimasaraluani 2 meterinik qaangerlugu.
Andreas Skiftep ippassaq radioaviisimut oqaatigaa, 60 meterit angusinnaassagunigit naammagisimaarinnissalluni.
Naaligarnermi inuusuttut OL-erneranni maanna angusani, naaligarnermik unammisut akornanni arfineq aappaattut inissisimassutigilerpaa, aqagulu pissartanngorniutivissapput.
Atassummi siulittaasuusimasup aamma inuusuttuunermini naaligartartuusimasup Daniel Skiftep, Andreas Skifte ernutaraa.