Naalakkersuitut aalajangiiaarpallaarnerarpaat

Kalaallit Nunaanni naalakkersuisut puisit amiinik Canadameersunik Great Greenlandip pisiniartarneranut unitsitsiaarpallaarunarput, taama Canadami puisit amiinik tunisassiortut tunisassiornermullu oqartussat isumaqarput.

Naalakkersuisutta ammerivimmut puisit amiinik Canadameersunik piseqqusiunnaarnera pillugu akilinerni naggueqatitta nutaarsiassaqartitsiviat Nunatsiaq News ullumi tusarliussaqarpoq.

Canadami ammerinermut siunnersuisoqatigiit siulittaasuat naliliivoq naalakkersuisutta aalajangersimanerat tuaviuussaagunartoq.

- Taama aalajangerneq kikkut tamarmik maani uissuummissutigaat uumitsaallugulu, Kaalallillu Nunaata avammut kiinaa innarlerneqassappat tamatumuuna maanngaanniit ikiuussinnaanngilagut, tassami uumasunut illersuiniaqatigiiffiit akerlilersuileraangamik nunap inuiisa piniariaasiannut innarliisinnaanertik eqqarsaatigineq ajormassuk, Canadami ammerinermut siunnersuisoqatigiit siulittaasuat Nunatsiaq Newsimi taama issuarneqarpoq.

Canadami puisinniarnermut attuumassuteqartut oqartussallu nalunaarput taavani avaartaannarlugit puisinniartarneq eqqummaarissumik nakkutigineqartartoq.

- Maani nersutit nakorsaat ilisimatuullu oqareerput avaartaalluni toqoraaneq aallaasersornermit isumannaannerusoq, Canadami naalakkersuisoqarfik Nunatsiaq Newsikkut taama erseqqissaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat