Naalakkersuisuusimasoq naalakkersuisunut isornartorsiuisoq

Arctic Umiaq Line-mut tapiissutit sukkavallaamik atorunnaarsinneqarput. Paarlattuanik Arctic Umiaq Line-p imminut nappassinnaalernissaanut tapiissutit appartikkiartuaarneri ingerlatiinnarsimasariaqaraluarput, angallannermut naalakkersuisuusimasoq Steffen Ulrich-Lynge isumaqarpoq:

- Naalakkersuisut ilaatigut sukkavallaamik iliorsimapput. Umiarsuarnut tapiissutit kigaannerusumik appariartortinneqarsimasariaqaraluarput, massakkutuulli iliortoqarani, angallannermut naalakkersuisuusimasoq Steffen Ulrich-Lynge Inatsisartunut qinersineq 2005-imi arfininngornermi oktobarip 29-anni aallakaatineqartumi taama oqarpoq.

Seffen Ulric-Lynge aamma isumaqarpoq pilersaarusiorluakkamik iliuuseqartoqarsimasariaqaraluartoq, Arctic Umiaq Line-p imminut napatilluni ingerlanneqalernissaa angujumallugu.

Inatsisartunut qinersineq 2005 ataasinngorpat nalunaaqutaq marlunut aallakaateqqinneqassaaq.