Naalakkersuisuugallartut nassuiaanissaat kissaatigaat

novembarip 08-at 2005 06:11

Pituffimmi innuttaasut sinniisaasa iluarinngilaat Narsaarsuup eqqaanut timmisartorsuup 1968-imi nakkarnerata kingorna mingutitsineq pillugu Naalakkersuisuugallartut marluk peqataaffigisaannik Qaanaaginnarmi taamaallaat paasisitsiniaasoqarsimanera.

- Maani innuttaasut kalaallit danskillu 500-t missaanni amerlassuseqarput, Pituffik Narsaarsummut aamma qaninneruvoq, Qaanaaq Narsaarsuup tungaanut 100 kilometerit missaanni ungasinnerulluni, Pituffimmi innuttaasut sinniisaat sinnerlugit Jørgen Wegeberg allappoq.

Taanna erseqqissaavoq, Qaanaami innuttaasut paasisitsiniaavigineqarnerasuulli pineqartariaqaraluarlutik.

- Tusagassiutitigut tusaratsigu Naalakkersuisuugallartut siulittaasuat Qaanaaliassamartoq, Namminersornerullutik Oqartussanut allagaqarpugut uaguttaaq taama pineqarusulluta, tamannali qisuariarfigineqanngilaq, Jørgen Wegeberg allappoq.

Pituffimmi innuttaasut sinniisaasa paaserusuppaat, sooq Hans Enoksen Pituffimmi innuttaasunut, tassalu Narsaarsuup eqqaani najugalinnut paasisitsiniaajartorsimannginnersoq. Taama aperinerput maanna pissangalluta utaqqissavarput, Jørgen Wegeberg allappoq.