Uummannami peqqinnissaqarfimmi sulisup coronamik tunillatsissimasup qanillisimasai tamarmik misissorneqarmata tunillatsittoqarsimaneranik takussutissaqanngitsoq, Naalakkersuisut taama paasissutissiipput.Assi: KNR/Anton Gundersen Lihn

Naalakkersuisut: Uummannami tuniluuttoqarneranik takussutissaqanngilaq

Uummannami peqqinnissaqarfimmi sulisup coronamik tunillatsissimasup qanillisimasai tamarmik misissorneqarmata tunillatsittoqarsimaneranik takussutissaqanngitsoq, Naalakkersuisut taama paasissutissiipput.

Uummannami tuniluuttoqarneranik takussutissaqanngitsoq Naalakkersuisut tusagassiuutinut nalunaarutaanni sapaammi taama allappput.

Peqqinnisssaarfimmi sulisoq covid-19-mik tunillatsissimaasoq sapaatit akunnerani kingullermi paasineqaproq, tamatumalu kingunerisaanik inuit qulit angerlarsimaannaqqusaallutik.

Uummannami tunillatsissimasumut qanillisimasut tamarmik arfininngornermi misissorneqarput. Misissukkat tamarmik Ilulissani laboratoriami misissoqqissaarneqarput, taakkulu tamarmik tunillatsittoqarsimaneranik takussutissaqanngillat.

Tassalu tuniluuttoqarneranut takussutissaqanngitsoq Naalakkersuisut tusagassiuutinut nalunaaruteqarlutik taama allapput erseqqissaatigaallu tunillatsissimasoq Uummannamiit aallareermat.

AAMMA ATUARUK Uummannami inuit ikinnerpaamik qulit tunillatsissimasumik uppernarsaasoqareernerani angerlarsimaannartut

Angerlarsimaannaqqusaasut ilamininngui suli ullualunnguani angerlarsimaannassapput misissorteqqissallutillu. 

AAMMA ATUARUK Covid-19-imik tunillatsissimasumik Uummannami uppernarsaasoqartoq

Taamaattumik suli tunillatsissimasunik paasisaqarnissaq annikitsumik ilimanaateqarpoq, taamaattumillu kikkut tamarmik Covid-19-imut ersiuteqartoqalernissaa eqqumaffigisariaqaraat, tusagassiuutinut nalunaarummi taama allassimavoq.

Naalakkersuisut erseqqissaatigaat, sapaatit akunneranni tulliuttumi inuppassuit Kalaallit Nunaannut tikittussaapput. Tamanna pissutigalugu nuna tamakkerlugu tunillaasinnaasunik tikittoqarnissaa ilimanaateqartorujussuummat.

- Unammilligassaq alla tassaavoq, Covid-19 Tuluit Nunaanneersoq, Danmarkimi sukkasuumik tuniluutilersoq nutaaq tunillaatianerujussusorlu, naalakkersuísut taama allapput imalu nangillutik:

- Taamaattumik Kalaallit Nunaannut tikittoqassanngitsoq oqaatigineqarsinnaanngilaq. Kikkut tamaasa piffissami aggersumi innersuussutinik malinnilluaqqullugit, aammalu tusatsiakkanik ingerlatitseqqittarnermi peqataaqqunagit kaammattorneqarput, Naalakkersuisut tugassiuutinut nalunaaruteqarlutik taama allapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat