Naalakkersuisut uranimut politikki aalajangiusimavaat

Uranimut politikkip allanngortussaannginneranik aalajangiineq 1980-ikkut ingerlaneranili atuuttoq, Naalakkersuisut aalajangiusimavaat. Narsami uranisiornissaq Naalakkersuisut itigartikkaat, Aatsitassaqarnermut naalakkersuisup Ove Karl Berthelsenip qanittukkut oqaatigaa, tassungalu atatillugu Siumup siulittaasua Aleqa Hammond qisuariaateqarpoq.
Allattoq Mads Lynge
juunip 25-at 2009 07:33

- Nunatsinni aatsitassamik piiaaffiusinnaasut tamarmik annikinnerusumik qaffasinnerusumilluunniit uranimik akoqarput. Nuup kangerluani kuultisiorfissatut ingerlatsiffiusumi piiagassami urani akuuvoq, Narsamilu Kuannersuarni qaffasinnerusumik akoqarluni, Aleqa Hammond ippassaq oqarpoq. Uranimulli politikki 1980-ikkunnili atuuttoq aalajangiusimaneqartoq Naalakkersuisut erseqqissaatigaat.

- Urani pillugu nalunaarusiaq aallaavigalugu innuttaasut peqatigalugit

oqallittoqassasoq, Naalakkersuisut isumaqarput.

Uran pinngortitami sumiiffinni nalinginnaasumik nassaassaavoq, aatsitassallu qinngornernik akoqarpallaat piiarneqassanngitsut aalajangiusimaneqarpoq, taamaammat aatsitassat uranimik akoqarpallaat, , akuerisaasumit annertunerusumik akoqarnerit piiarneqarnissaat akuersaarneqarsinnaanngitsoq, Naalakkersuisut oqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq