Naalakkersuisut Aalisarnermut, Piniarnermut Nunalerinermullu Naalakkersuisoqarfiup ingerlatsineranit tapiissutaasartut tamaasa misissulerpai.

Naalakkersuisut umiatsiarsiniarnermi tapiissutaasartut tamaasa misissuleraat

Politikerit nuimasut pingasut aalisariutitaarnissamut tapiiffigineqarsimasut aviisi Sermitsiaq septembarimi allammat, tapiissutit sammineqalerput.

Naalakkersuisut Aalisarnermut, Piniarnermut Nunalerinermullu Naalakkersuisoqarfiup ingerlatsineranit tapiissutaasartut tamaasa misissuiffigissallugit aallartitsipput.

Aalisarnermut, piniarnermut nunalerinermullu naalakkersuisoq Jens Immanuelsen (S) tusagassiutinut taama nalunaaruteqarluni ilisimatitsivoq. 

- Aalisarnermut, Piniarnermut Nunalerinermullu tapiissutigineqartartut tamaasa politikikkut akisussaaffigaakka, ilisimavaralu aaqqissuussinerit assigiinngitsut tunngavigalugit inuussutissarsiutinut attuumassuteqaqqissaartunik tapiissuteqartoqartartoq, nunatsinni innuttaasorpassuarnut iluaqutaasarlutik, taanna allappoq.

AAMMA ATUARUK Tusagassiuutit: Politikerit pisortanit tapiiffigineqarlutik aalisariutersisut

- Neriuppunga pineqartoq suliarineqalerpat tapiissuteqartitsisarnermi piviusut tunngavigalugit misissuisoqassasoq, inatsisillu siunertai aamma tunngavigineqassasut. Inuit ataasiakkaat tapiissutinik tunineqartarsimaneri pillugit ukkassinissaq peqqunanngeqaaq, soorlu tusagassiuutini tamanna eqqaaneqaqqajaasartoq.

Politikerit nuimasut pingasut aalisariutitarnissamut tapiiffigineqarsimasut aviisi Sermitsiaq septembarimi allammat, tapiissutit sammineqalerput.

Politikerit pingasut katillugit 800.000 koruuninik pissarsisut

taakkua tassaapput Siumumeersut Karl-Kristian Kruse, Nikkulaat Jeremiassen aamma Henrik Fleischer, katillugit 800.000 koruuninik pissarsisimasut. 

Taakkua tamarmik inatsimmik unioqqutitsinatik kingornatigut erseqqissaapput. Taamaakkaluartoq suliaq misissorneqartariaqartoq peqquserlulluni iluanaarniarnermik akiuiniaqatigiiffik, Transparency International Greenland isumaqarpoq.

AAMMA ATUARUK Politikerit aalisariutissaminnut tapiiffigineqarsimanermik misissorneqaqqunera taperseraat

Aammalumi tamanna ajunngitsoq, politikerit oqarput. 

Tapiissutaasartullu, naalakkersuisoqarfiup aqqutai, tamarmik maanna misissorneqassapput. 

-  Tapiissutit assigiinngitsunik siunertaqartarmata, inatsisillu aamma assiginngitsut tunngavigineqartarmata allaffissornikkut suliarineqartarneri assigiinneq ajorput. Soorlu aamma qinnuteqartut naalakkersuinermik suliaqartuuneri suliaqannginnerilu apeqqutaatinneqarneq ajortut. Malittarisassat aalajangiinermilu tunngavigineqartut tamarmik assigiimmik pineqartarput, Jens Immanuelsen oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat