Naalakkersuisut tunuliaqutigisaminnit tatineqartut
Kukkunersiuinermut ataatsimiititaliap siulittaasuata Kristian Jeremiassenaamma partiip politikkikkut oqaaseqartartuata Karl-Kristian Krusep isornartorsiuinerannut Siumup Paamiuni immikkoortoqarfia maanna tapersiivoq.
Siumup Nuummi immikkoortortaanisulli Paamiuni Siumup siulittaasua, Tim Serritzlev, ima allappoq:
- Siumut Nuummi immikkoortortaqarfianniit tusagassiutinut ippassaq nalunaarutaat Siumup Paamiuni immikkoortortaqarfianniit taperserlugu, isumaqarpugut tamanna ilungersunartuusoq, tassami Siumup tamanna politikkikkut siunertarinngilluinnarmagu, Tim Serritzlev allappoq.
Paamiormiullu Nuummiunit nikeriaqqinnerupput.
- Taamaattumik apeqquserparput ilumut naalakkersuisut siulittaasutut ingerlaannassanersoq?
- Sulinngiffeqaraluarpalluunniit uagut siulittaasuuginnarnissaa apeqquseqqavarput, Siumumi Paamiuni immikkoortortaaniit allapput.
- Takusinnaalereerparput inatsisinik unioqqutitsisoqartoq tamannalu assut ilungersunarpoq, Tim Serritzlev allappoq.
Siumut Nuuk ippassaq allappoq, Naalakkersuisut kikkuugaluarunilluunniit, Nunatta karsia siumoorfigalugulusooq atortarnerat akuersaarneqarsinnaanngitsoq.
Naalakkersuisooqatigiinneq kipeqqugaat
Atassutip inuusuttaat ullumi allapput, isumaqarlutik, Atassutip Siumumik ukiup aappata qiteqquttumi naalakkersuisoqateqarnini tamaanga naasariaqaraa.
Taama allanneq Atassutip siulittaasortaavanik, Knud Kristiansenimik eqqarsalersitsisimagunarpoq.
- Inatsisartut Kukkunersiuinermut Ataatsimiititaliaasa misissuititsinerata paasinarsitippagu, inatsisinik unioqqutitsisoqarsimasoq, Atassut akisussaaffimmik tamakkiisumik tigusissaaq Naalakkersuisooqatigiinnermiillu tunuarluni, Knud Kristiansen Gerhardt Petersenilu neriorsuipput.
