Naalakkersuisut tunuartut aning. ataats. ilaasortaasinnaajunnaassapput

Siumup naalakkersuisuni ilaasortai tunuartut Inatsisartut Aningaasaqarnermut Ataatsimiititaliaanni siulittaasunngortinneqartarunnaassapput.

Simon Olsenip naalakkersuisunit tunuareerluni aningaasaqarnermut ataatsimiititaliami siulittaasunngortinneqarneranut Siumup immikkoortortaqarfiisa isornartorsiuinerat kinguneqarpoq. Siumup ulluinarni aqutsisui ippassaani aalajangerput gruppimi suleriaaseq malittarisassaliuunneqassasoq, taakkununngalu ilanngullugu aalajangersarneqassasoq naalakkersuisuni ilaasortat tunuartut ingerlaannaq aningaasaqarnermut ataatsimiititaliami ilaasortanngortinneqartassanngitsut.

Siumup siulittaasua angalammat ullaa-tungaa itisiliitissinnaasimanngilarput, Qanoruumulli ippassaq unnukkut oqarpoq Simon Olsenimut tunngasup qassiliiliuutaavallaaqimmat taama pisoqaqqinnginnissaa anguniarneqartoq.

Taama aalajangertoqaraluartoq Simon Olsen-ip aningaasaqarnermut ataatsimiititaliami siulittaasuunera allanngussanngitsoq Hans Enoksen erseqqissaavoq.