Naalakkersuisut torrallannerusimasinnaagaluarpaat

Naalakkersuisut siulittaasuata Kuupik Kleistip nassuerutigaa, paasissutissat annikippallaartut uuliamik qillerinermut tunngassutillit Inatsisartunut paasissutissiissutigineqartarsimasut.
Allattoq Nûno Isbosethsen
juunip 10-at 2011 13:07

Inatsisartunut ilaasortat malunnaatillit Kuupik Kleistip partiianeersut arlallit uuliarsiorneq pillugu paasissutissiinikippallaarnerarlugit Naalakkersuisunik isonartorsiueqqammerput. Tamanna pivoq,
IA sinnerlugu Inatsisartuni ilaasortaasoq, Nauja Nathanielsen, apeqqutinik  26-nik  uuliamik misiliilluni qillerinermut tunngassunik Naalakkersuisunut apeqquteqareersoq.

Tamanna pillugu Naalakkersuisut siulittaasut Kuupik Kleist ima oqarpoq.

- Apeqqutigineqartut tikilluaqquagut, aamma Naalakkersuisuniit malitseqatissavagut, Kuupik Kleist oqarpoq.

Paasissutissat siammarterneqartartut pitsaanerusinnaasuttaaq Naalakkersuisut siulittaasua Kuupik Kleistip oqaatigaa.

- Nunatsinni uuliasiorneq nutaajuvoq, taamatullu aamma nutaajulluni uuliamik nassaartoqarsinnaanneranik ilimasunneq. Taamaammat pisariaqartipparput paasissutissat, annertunerusut uatsinniit avammut tusarliunneqartarnissaat, Kuupik Kleist oqarpoq.

Isornartorsiuisut ilaat oqarput, Naalakkersuisut paasissutissiisarnerat taama annikitsigiuaannarpat, innutaasut uuliasiornermut tapersersuinerat millisinnaasoq. Taama aarlerineq Kuupik Kleistip paasisinnaanerpaa?

- Sapinngisarput naapertorlugu, paasissutissanik siammarteriniartarpugut, Kuupik Kleist oqarpoq.

Aamma atuaruk