Umimmannik tuttunillu tammajuitsussarsiniarluni piniarnermut 2024-p tungaanut pisassiisoqartassanngitsoq Naaalakkersuisut nalunaarutigaat.

Naalakkersuisut tammajuitsussarsiniarluni piniarnermik unitsitsisut: Takornariartitsisut akiliutigineqareertunik utertitsisariaqartut

Takornarianut tammajuitsussarsiniarluni umimmannik tuttunillu piniariartitsisarnerit juulip qaammataani pisartut ukioq maannamiit 2024-p tungaanut unitsinneqarput. Tamanna Arctic Circle Businessip takornarialerisullu quarsaarutigeqaat.

- Ajutoortitserujussuarpoq. Aningaasanik akiliutaasimasunik utertitsisariaqassaagut, North Safari Travelip pisortaa, Thomas Olsen oqarpoq.

Takornarialerisut juulip qaammataani piniariartitsisinnaasaraluarput. Takornarianulli tammajuitsussarsiniarluni piniariartitsinissamut juulip qaammataanit 2024-p tungaanut pisassiisoqassanngitsoq, Naalakkersuisut qaammat una nallertorlu nalunaarutigaat. Nassuuaatigineqanngilaq sooq.

Allanngortitseriasaarnerillu Arctic Circle Businessip uparuarpaa.

- Tassanngaannaq allanngortiterineq iluaappoq. Ingammik siuarsaaqataaniarsaraluta, Arctic Circle Businessip pisortaa, Jesper Schrøder oqarpoq.

AAMMA ATUARUK Nutaanik piniariartarfiliortoqarnera takornariartitsisartunut avissaartutsivoq

Takornariat amerlanerpaartaat tammajuitsussaminnik piniariarniarlutik nunatsinnukarniaraangamik ukiut marluk sioqqullugit inniminneereertarput.

Akileereeraluarlutik pinianngitsoortut

North Safari Travel takornarianik tikittooraluarpoq, Naalakkersuisulli nalunaaruteqarmata takornariat piniariarnatillu aallartariaqarsimapput.

- Naalakkersuisoqarfimmiit nalunaarfigineqarnikuugaluarpugut ukiut siuliinut sanilliullugu allanngortoqassanngitsoq. Taamaammat takornariarniartut inniminniipput, billetsisipput, sunalu tamaat akilereerlugu. Taava tikipput, nalunaarfigisariaqarsimavagullu akuersissummik pisinnaanata, naak piffissaq piniarluni tammajuitsussarsiniarfiusartoq aallartereeraluartoq, Thomas Olsen oqarpoq.

AAMMA ATUARUK Visit Greenlandip tammajuitsussarsiniarluni piniartarfiit periarfissaqarnerarpai

Piniartut sunngiffimmilu piniartut augustip qaammataaniit tuttunniarsinnaalertarput umimmanniarsinnaalertarlutillu.

Takornarialerisut juulip qaammataani piniartunik akornusersuinatik piniariartitsisarnerarlugit unitsinneqarnera uggorineqarpoq.

- Juulimi piniarnerit unitsinneqarneri paasiuminaatsittorujussuuara. Qaammammimi tassani piniariartitsinerit ajunngittaqaat, inuussutissarsiorlutik sunngiffimmilu piniartullu aporaattoqarneq ajormat, Thomas Olsen oqarpoq.

AAMMA ATUARUK Tammajuitsussarsiniarluni tuttunniartitsisarneq Inuit unitseqqugaat

Million koruunit annaaneqarsinnaasut

Qeqqata Kommuniani suliffeqarfiit takornarianut tammajuitsussanik piniariartitsisartut arfineq-pingasuupput. Taakkulu aningaasarpassuarnik annaasaqarput.

- Millionip tungaanut juulimi annaasaqartut naatsorsuutigivarput, Jesper Schrøder oqarpoq.

Juulip qaammataani takornariat tammajuitsussarsiniarlutik piniariartinneqaraangata aggustip qaammataani piniagassat, soorlu umimmaat tuttullu ungasillisimasartut Naalakkersuisut tusarniaaneranni akissuteqartut ilaat allapput.

Tamanna peqqutigalugu Qeqqata Kommuniata takornarianut juulip qaammataani piniariartitsisarnerit unitsikkusussimavai.

AAMMA ATUARUK Trofæjagt skåner bestanden

Ileqquutsinnik tammatsaaliuerusuttut

Imaanngilarli takornarialerisut ajattorneqartut, Qeqqata Kommuniata aalisarnermut piniarnermullu ataatsimiititaliaani siulittaasoq, Aqqaluk Skifte (S), oqarpoq.

- Imaanngilaq ajattorneqartut, kisianni aamma kikkuuppat atuisut, kikkuuppat ukiussamut kalaallit ileqqutoqaannik ingerlatitsisut, kalaallit ileqqutoqaannik tammatsaaliuissagutta aamma pingaaruteqarpoq inuiaqatigiit kalaallit tusarnaarnissaannut, Aqqaluk Skifte oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat