Naalakkersuisut siulittaasuusaarnissaq soqutigineqarluarpoq
Sermitsiap nittartagaani allaaserineqartoq naapertorlugu Naalakkersuisut siulittaasuattut inuttaarusuttut 20-t missaat nalunaareerput.
Danmarkip Radioani ilitsersuisutut ikiorti, May el-Toukhy, Sermitsiap nittartagaanit issuarneqarpoq, Naalakkersuisut siulitttaasuusaarniaraanni isiginnaartitsisartutut misilittagaqarnissaq piumasaqaataanngikkaluartoq, allanik piumasaqaaterpassuaqartoq, isiginnaartitsisussarlu takisuunik oqaasissarpassuaqartoq, danskimik isiginnaartitsisartumik arnamik tusaamaneqarluartumik isiginnaartitseqateqarnissaq aamma piareersimaffigineqartariaqartoq ilitsersuisup ikiortaa oqarpoq.
Kina Naalakkersuisut siulittaasuusaassanersoq suli isertuunneqarallarpoq.
Naalakkersuisut siulittaasuusaartinneqartussaq Københavnimi sapaatip-akunnerani 50-imi, tassa decembarip ulluisa arfineq-aappaanniit, misilitsissaaq, juullertinnagu Nuummi misilitsittoqassalluni. TV-kkut nangeqattaartumik aallakaatitassiassaq Nuummi Danmarkimilu januaarip aallartilaarnerani immiullugu aallartinneqassaaq.
