Naalakkersuisut siulittaasuata ukiortaami oqalugiaataa nunatsinnuinnaq tunngasoq

Naalakkersuisut siulittaasuata Hans Enoksenip ukiortaami oqalugiarnermini Aasiami ajunaarnersuaq pillugu ataasinnguamilluunniit misiginneqataanini oqaaseqarfiginngilaa.

Enoksenip oqalugiarnermini nunatsinni pisut kisiisa oqalugiaatigai.

Ilaatigut oqarpoq inuusuttut ilinniagaqarnissaasa naleqqussarlugit pitsanngorsarneqartariaqartut. Aamma oqarpoq nunatsinni meeqqat inuusuttullu sumiginnakkat ukiuni kingullerni ajoraluartumik malunnartumik ersiuteqartartoq.

Nunatta ineriartortinnissaa innuttaasut ataasiakkaat kisimik akisussaaffiginngikkat peqataaffigisariaqaraalli oqarpoq, politikerittaaq aamma tamatumunnga akisussaaffeqarnerat erseqqissarpaa.

Danskit statsministeriata Dronningillu ukiortaami oqalugiaatitik ajunaarnersuarmut tunngasunik taasaqarfigaa, ilaatigut qanoq annertutigisumik aseruiffiunera misiginneqataanermikkut ersersillugu. Nunatsinni naalakkersuisut siulittaasuanit Hans Enoksenimit tamanna ataasinnguamilluunniit taaneqanngilaq.