Naalakkersuisut siulittaasuata isumaa mumippoq

Siumukkut naalakkersuisuutitaasa arfinilissaat tunuarmat, Inuit Ataqatigiit naalakkersuisooqatimik Siumukkut naalakkersuisussaminnik toqqaasarnerinut aalajangeeqataasalernissamik piumasaqarnerannut, Naalaakkersuisut siulittaasuata Hans Enoksen-ip isummernera ullormiit ullormut mumippoq.

Naalakkersuisut siulittaasuat Radioaviisimut ippassaq oqarpoq Naalakkersuisussatut piukkunneqartut Naalakkersuisoqatigiinni isumaqatigiinniutigineqartalissappata pissusissamisuuginnassasoq.

Aviisimili Atuagalliutini ullumi saqqummersumi aallaaserineqarpoq Inuit Ataqatigiit piumasaannut naalakkersuisut siulittaasuat itigartitsisoq.

Inuit Ataqatigiit piumasaat akuersaarini Hans Enoksen-ip radioaviisimut ippassaq oqarpoq, issuaaneq aallartippoq:

-Oqaloqatigiinnerulernissaq tamatsinnut iluaqutaassaaq, naalkkersuisussatut inassutigineqartut siornatigutut tusaatissatut tiguinnarnagit oqaloqatigiissutigisalerutsigit sulinermut aamma nukittorsaataassaaq, issuaaneq naavoq.

Ullumili itigartitsinini Hans Enoksen-ip AG-mut ima nassuiarpaa, issuaaneq aallartippoq:

- Naalakkersuisuni ilaasortassat oqaluuserinerulaartarnissaat akueraara. Isertuutissanngilara aamma uanga Inuit Ataqatigiit naalakkersuisunut toqqartagaasa ilaat qularnartoqartittarakkit. Oqaluuserisinnaavagut, tunngaviutigullu uanga piumasakka aalajangiussimavakka.

Hans Enoksen AG-mut erseqqissaavoq Inuit Ataqatigiit piumasaat atulersinneqassaguni qinersinermi tullermi aatsaat pisariaqassasoq.

Naalakkersuisut siulittaasuat AG-mut aamma erseqqissaavoq qinersisoqarnissaa nammineq orniginerugaluarini qinersisitsisoqanngitsoq pisut arlaqartut, soorlu EU-mut isumaqatiginninniarnissat aappaagu inaarsarneqartussat ajalusoornissaat pinngitsoorniarlugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat