Naalakkersuisut siulittaasuat isornartorsiorneqarpoq

Ilassinnissutinut Jens Napãtûp sippuilluni atuisimanerani nakkutilliilluarsimanngitsutut Kukkunersiuinermut Ataatsimititaliap Naalakkersuisut siulittaasuat, Hans Enoksen, isornartorsiorpaa.

Ineqarnermut Attaveqarnermullu Naalakkersuisutut Jens Napãtôq qaammat kingulleq tunuarpoq.

Tunuarneranut pissutaavoq aningaasanik ilassinnissutinut atugassaminik sippuilluni atuisimanera, ilaqutariit nereqatigiissimanerannut aamma atisaajarluni Københavnimi takutitsisarfimmiinnernut aningaasat ilaatigut atorneqarsimallutik.

Kukkunersiuinermut Ataatsimiititaliamut allakkamini, aningaasanik ilassinnissutinik Jens Napãtûp sippuilluni atuisimanera ingasagalugu naalakkersuisut siulittaasuata eqqaavaa.

Hans Enoksen-ip piffissaagallartillugu qanoq iliuuseqarsimannginnera tamanna tunuliaqutaralugu ataatsimiititaliap isornartorsiorpaa.

Jens Napãtûp sippuilluni atuisimanerata misissuivigineqarnissaa naalakkersuisut siulittaasuata siumut maanna kalerriuppaa.

Aningaasat naapertuutinngitsumik atorneqarsimassappata utertinneqarnissaat naalakkersuisut piumasariniarpaat.

Misissuinerup inernera Kukkunersiuinermut Ataatsimiititaliap soqutigalugu utaqqivaa.