Naalakkersuisut sipaarniutaasinnaasunik piareersaasioqquneqarput

Inatsiartuni ilaasortap Demokraatineersup Palle Christiansenip siunnersuutaa, inuiaqatigiittut sipaarniarfiusinnaasut piareersaasioqqullugit, naalakkersuisut pisussaatinneqarnissaannik imaqartoq, Inatsisartuni amerlanerussuteqartunit Naalakkersuisunillu ullumi taperserneqarpoq.

-Ukioq 2005-imi avammut niueqateqarnitsinni 1,1 milliarder koruunit sinnerlugit amigartooruteqarpugut, taakkunannga 620 million koruunit ikummatissanik uuliamillu atuinitsinnut atorsimallutigit. Aningaasat amerlavallaarujussuaqaat, tamattalu tamanna sipaarfigisinnaavarput, atuinermik annikillisitsinikkut avatangiisinut mingutsitsineq annikillisinniarlugu, Palle Christiansen siunnersuuteqarnermini ilaatigut taama tunngavilersuuteqarpoq.

Naalakkersuisut Palle Christiansenip siunnersuutaanut tapersersuisut sinnerlugit Inuussutissarsiornermut naalakkersuisoq Sivert K. Heilmann oqarpoq inuiaqatigiittut nukissiuutitigut sipaarniarfiusinnaasunik pilersaarusiornissamut piareersarneq Naalakkersuisunit ukioq manna aallartilersaarneqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat