Naalakkersuisut SIK-lu isumaqatigiissuteqarput
Naalakkersuisut aamma Sulinermik Inuussutissarsiuteqartut Kattuffiata, SIK-p, pisortanut suliffeqartunut 6.000-it missaanniittunut ukiunut pingasunut isumaqatigiissut nutaaq ullumi isumaqatigiissutigaat.
Akissarsiat 6,5 procentimik qaffannerinik isumaqatigiinniarnerit inerneqarput, inunnut ataasiakkaanut tapit immikkoortortanut immikkoortitat peqatigitillugu isumaqatigiissutigineqarlutik. Tassa aningaasarsiat, ukiuni pingasuni tulliuttuni, ukiumut 2 procent sinnilaarlugu qaffallutik. Taassuma saniatigut sulisut utoqqalinersiassaannut akiliutit 1,5 procentimik qaffannissaat isumaqatigiissutaavoq.
Isumaqatigiinniarnerit aasaanerani sulinngiffeqarneq juunimi aallartinngitsoq aallartipput, kusanartumik paaseqatigiilluarfiusumillu ingerlanneqarlutik.
