Nunatsinni Qaanaami imigassamik matusineq ullumi oqallisaasorujussuuvoq. Qaanaami suliniutit ingerlareersut arlalinnit oqaatigineqarpoq, soorlu Inuit Ataqatigiit sinnerlugit inatsisartuni ilaasortaq Agathe Fontain tusagassiuutinut nalunaarummini allappoq ullumikkut iliuutsit ingerlareersut sakkortusarlugit periuseqartoqarsinnaasoq.
Naalakkersuisunut apeqqutigerusunnarpoq illoqarfik sorleq tulliani imigassanut matuneqassava? Nanortalik? Narsaq? Nuuk? Tassami Qaanaap Borgmesteria ilumoorpoq aamma illoqarfinni allani Qaanaarmiut ajornartorsiutaaasa asseqqissaavinik ajornartorsiortoqarpoq, taakkumi?? Agathe Fontain aperaaq.
Siumukkormioq Kim Godtfredsen matusinermik akerlerinnittoq uparuaasut ilagaat.
- Qaanaaq uani eqqorneqarpoq. Qaanaaginnaanngilaq ajornartorsiuteqarfiusoq, taamaammat isumaqarpunga Qaanaamut taamatut tutsitsineq illuinnaasiornerusoq, imatullu tunngaviusumik nuna tamakkerlugu suliniuteqarnissamik erseqqissumik oqariartuuteqarnani. Ajornartorsiut Qaanaamgiiginnanngilaq aammaa Nuummiippoq. Nuummi illoqarfissuarmi ajornartorsiutit annertoorujussuupput, taamaammat tupigusuutigilaartorujussuuara Qaanaaq taama sakkortutigisumik eqqorneqassappat. Siumut sinnerlugu Nuup kommunalbestyrelse-ani ilaasortap aamma nalilerpaa naalakkersuisunit pipallattoqarsimasoq eqqarsaatigilluagaanngitsumik. Aamma nunatta aqutsisuininnaanniit imigassamut politikkeqarnissamik tunngavissiortoqarpllaarsimannginnerarpaa.
- Qanaami imigassaq matuinnarnagu nuna tamakkerlugu matugallarneqarsinnaavoq. Inuit eqqarsarfiattut aamma qanoq ingerlariaqinnissamut suliniutit amerlanerusut aallartinneqarsinnaagaluarput.
- Killersuineq apeqquserneqartuaannarpoq, kisiannili uani ajortorpara nunatta naalakkersuisuisa suliuniuteqartariaqarnerat, Kim Godtfredsen oqarpoq
Kim Godtfredsen nangilluni oqarpoq, Nuummiinnaq 16.000 ingajannik inulimmi 25-inik imerniartarfiunngitsunik imigassaarneqarfeqartoq, assersuutigalugu Stockholm-imi 1,5 millioninik inulimmi imigassaarniarfiit 23-iinnaasut. Imigassamut polikkeqalernissaq erseqqissoq tamatumunnga ersiutaarnerarpaa. Sooruna imigassarsisinnaanermut qassinik ukioqaqqaarluni pisisinnaaneq, ammarsarfiit sapaatikkut tuniniaasarneq allallu eqqartorutsigit, Kim Godtfredsen aperaaq.
