Naalakkersuisut piniartunut immikkut tapiissuteqarnianngillat

Naalakkersuisut inatsisartut aningaasaqarnermut ataatsimititaliaannut qinnuteqarput, piniartut immikkut tapiiffigineqarnissaat siunertaralugu.

Inatsisartut aningaasaqarnermut ataatsimiititaliaa malillugu, naalakkersuisut qinnuteqaatertik utertippaat.

Piniartut Qaanaami, Illoqqorttoormiuni Tasiilamilu najugaqartut immikkut ittumik 1,2 millioni koruuninik tapiiffigineqarsinnaajunaarput. Naalakkersuisuit siunnersuuteqarnerminni pilersaarutigaluarpaat piniartoq ataaseq 5 tusind koruuninik tapiiffigineqarsinnaanissaa, naalakkersuisullu qinnuteqaqqaramik siunniuppaat tapiissutit juulli 2007 sioqqullugu piniartunut tunniunneqarnissaat.

Naalakkersuisut qinnuteqaataat siulleq utertinneqarpoq, tassani aningaasaqarnermut ataatsimiititaliap apeqqutit 31it akineqarnissaat piumasarimmassuk.

Ukioq 2007-imi immikkut ittumik aningaasaliinissamut isumaliutissiissummi atuarneqarsinnaavoq, apeqqutit akineqarnissaanut piumasaqaatigineqartut kingorna naalakkersuisut qinnuteqaateqarnertik pillugu isumaat allanngortut.

Piniarnermut naalakkersuisoq Finn Karlsen Atassut februuarip ulluisa qulinganni nalunaarpoq, piniartut tapiiffigineqarnissaannut qinnuteqaat suli atuuttoq.

Marsip ulluisa 14-anni piniarnermut naalakkersuisoq nalunaarpoq qinnuteqaat tunuartillugu.

Taassuma saniatigut piniartut ukiormanna immikkut ittumik tapiiffigineqarnissaanut naalakkersuisut qinnuteqarniannginnerat isumaliutissiissummi atuarneqarsinnnaavoq.