Naalakkersuisut: Pilluarujussuaritsi
- Kunngikkormiut marluliaarartaasa atimik ilaanni kalaallisut ateqalernerat Kalaallit Nunaanni nuannaarutigeqaarput. Kunngikkormiunik kalaallisut atsiisoqarnerata uppernarsarpaa kalaallit Kunngikkormiunik pingaartumillu Kunngissamik Frederimmik nuannarinninnerujussuat taakkunanngattaaq akineqaannarani aamma pigineqartoq, Kuupik Kleist oqarpoq.
Pilluaqqussummut ilaapput marluliaaqqanut tunissutissat natsat alersersuaaqqallu umimmaap qiviuanit nuersakkat. Nasaaqqat pinnersaaserneqarput tuttup nassuanit qiperukkanik puiseeqqamik nanuaqqamillu.
- Tunissutisiassaat oqaasertalilaapakka, tassami Danmark ukiormanna qiiaffiusimaqaaq marluliaaqqallumi qiiasassanngimmata umimmaap qiviuanik nuersakkanik tunineqarput, taakkumi oqorluinnartuunerat maani nalunngilluaratsigu, Kuupik Kleist oqarpoq.
