Naalakkersuisut nutaat marluk toqqarneqassapput

Siulliutissavarput Aalisarnermut Piniarnermullu naalakkersuisutut ingerlaannartumik tunuartoq Rasmus Frederiksen.

Ilassinninnermut aningaasartuutinik atornerluisimanini pillugu tusagassiutitigut ulluni kingullerni eqqartorneqartut peqqutigalugit ippassaq unnukkut tunuarniuteqarnerminik naalakkersuisut siulittaasuannut Hans Enoksenimut tunniussimavaa.

- Suliassap naammassinissaata tungaanut utaqqisimagaluarpunga – advokatinut tunniussineq pingaartissimavara. Sinerissami ukunani qaammatini qulingajaanni Aalisarnermut Piniarnermullu naalakkersuisutut sulisimavunga. Taanna qularutigineqassanngilaq annertuumik suliaasoq, taama Rasmus Frederiksen Radioaviisimut oqarpoq erseqqissarpaalu nammineq tunuarniarluni aalajangersimanini.

Naalakkersuisoqarfik Rasmus Frederiksenip ullumikkut qimataa oqittuinnaanngilaq.

Naalakkersuisut pisoq pillugu ataatsimeeqqammerput Naalakkersuisullu siulittaasua Hans Enoksen oqarpoq, Naalakkersuisut nutaat marluk ukiamut ikkunneqassasut.

- Ullumikkut Naalakkersuisut ataatsimiinnerani isumaqatigiippugut, inatsisartut ukiamut ataatsimiinnissaata tungaanut, Aalisarnermut Naalakkersuisoqarfik uanga naalakkersuisuuffinnut inissikkallarneqassasoq, Naalakkersuisut siulittaasuat Hans Enoksen oqarpoq nangillunilu;- ulluinnarni aalisarnermut pissutsinik malinnaalluarama, allannguivallaanngikkaluarluta, uanga utaqqiisaa isumagissagikka. Massakkut oqaatigisinnaanngilara kina naalakkersuisunngussanersoq, inunnik marlunnik ukiamut ikkussisussaavugut, pingaaruteqarluinnaqqissaarporlu massakkut inunnik tatiginarluinnartunik toqqaanissarput. Uku inuusuttut marluk taamatut pissusilimmik tunuarnissaat naatsorsuutigisimanngikkaluarpara, uggornarpoq uannullu ajuusaarnarluni. Tamatta kukkusarpugut, suleqatigullu qaninnerpaat suleqatigeqqissaarlugit aalajangiissaagut kikkut naalakkersuisuni inissinneqassanersut Hans Enoksen oqarpoq, nangillunilu. Misigisimanngilanga toqqaanerliorsimallunga, inuimmi taakku marluk misilittagaqarluarput. Inuttut namminneq kukkussuteqarnerat tunuarniuteqarnerminnut pissutigaat, aamma toqqaanissamut ernumanngilanga, piukkunnartunimmi allanik peqarpoq, Hans Enoksen naggasiivoq.

Rasmus Frederiksenip naalakkersuisutut tunuarnera pillugu Qanorooq immikkut ittumik unnummut nal. 19.30 aallakaatinneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat