- Tapersiineq Issittup HFO-mik mingutsinneqarsinnaaneranut illersorniarlugu iliuuseqarnissamut piffissanngortoq nunarsuup sinneranut oqariartuutaavoq nukittooq, naalakkersuisoq oqarpoq. Toqqorsivimmit assi.Assi: KNR/Anton Gundersen Lihn

Naalakkersuisut nunarsuarmi uuliap mingoqarnerpaap inerteqqutiginissaa akuerigaat

Naalakkersuisut aperigaanni uulia kinertoq, nunarsuarmi mingutsitsinerpaatut mingoqarnerpaatullu ilisimaneqartoq inerteqqutaasariaqarpoq.

Kinertoq nippoqqaartorlu. Uulia ikummatissaq kinertoq.

Naalagaaffiit Peqatigiit imarsiornermi suliniaqatigiiffiata taanna atorlugu Issittumi angalanissaq inerteqqutaalissasoq naatsorsuutigaa.

Polarkode suua? 
 

Polarkode nunat tamalaat akornanni malittarisassaavoq, umiarsuarnut Issittumi angalasunut pissutsinut pitsaanerusumik sakkussaqartitsinissamut ilaatigut qulakkeerisussaq.

 

Umiarsuit sikoqarluartumi angalasinnaanissamut sanaartugaassapput, sillimaniarnissamullu atortorissaarutinik pisariaqartunik useqassallutik.

Taamaattoqarpallu tamanna nunatta akuerisarissavaa. Naalakkersuisummi inerteqquteqarnissaq maannakkut iluseqarneratut akuerineqarnissaa ullumi peqataaffigilersimallugu nalunaarutigaat.

 Suliffeqarnermut, ilisimatusarnermut avatangiisinullu naalakkersuisup, Jess Svanep tamanna ”oqartiartuutaanerarpaa sakkortooq”.

- Nuannaarutigeqalugu oqaluttuarisinnaavara, Issittumi umiarsuit HFO-mik atuinerannut nassarnissaannullu inerteqquteqalernissaq taperserneqarmat, Jess Svane tusagassiuutinut nalunaarummi allappoq.

- Tapersiineq Issittup HFO-mik mingutsinneqarsinnaaneranut illersorniarlugu iliuuseqarnissamut piffissanngortoq nunarsuup sinneranut oqariartuutaavoq nukittooq, naalakkersuisoq oqarpoq.

AAMMA ATUARUK Issittumi uuliap kinertup inerteqqutaalernissaa pillugu isumaqatigiissut inissittoq

Inerteqquteqarneq 2024-mit atuutilissaaq, umiarsuarnulli Polarkodemik malinnittunut inerteqquteqarneq aatsaat 2029-mit atuutilissaaq. Taamaalilluni tamanna Royal Arctic Linep umiarsuaataasa Polarkodemik malinninnerat pissutigalugu umiarsuaatileqatigiiffimmut ukiut qulingiluat qaangiuppata aatsaat kinguneqassaq.

Avatangiisinut innarliisinnaasoq

Inunnut aarlerinaateqarnera naatsumik:

Inuit uuliap pujoralaanik ajoqusiisartunik najuussuineranni kræftimik, uummatit taqarsuini nappaatinik, milittoornermik, astmamik, bronkitisimik aammalu pujortartanngitsut pujortartarnermi puaat qerattarnerinik nappaateqalersinnaanerat annertusisarpoq.

Tigusiffik: Naalakkersuisut

Uulia kinertoq Heavy Fuel Oilimik ateqartoq naalisarlugu HFO-mik aamma taaneqartarpoq.

HFO-p issittup imartaani inerteqqutigineqalernerani umiarsuit ajutoorneratigut uuliap imaanukarluni avatangiisinut kingunerluuteqarsinnaanera pissutaanerpaavoq.

AAMMA ATUARUK RAL-ip Issittumi uuliap kinertup inerteqqutigineqalernissaa aarlerigigaa

Uulia imaanit nillertumit qalloruminaappoq. Annertuumillu aniatitsisoqassagaluarpat – Suliffeqarnermut, Ilisimatusarnermut Avatangiisinullu Naalakkersuisoqarfik naapertorlugu uuliap imaaniiginnarnissaanut aarlerinartoq annertuvoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat