Naalakkersuisut mittarfiit pillugit pilersaarutaat IA Qaqortup ilassilluarpaa
Taamatulli akerlerisaqarneq partiimi ilaasortat tamarmik isumaqatiginngilaat. Kommuneqarfik Sermersuumimi Qaasuitsup Kommunianilu Inuit Ataqatigiinni ilaasortat nuimasut Naalakkersuisut siunnersuutaat nuannaarutigalugu nalunaarutigisimavaat.
AAMMA ATUARUK Ilulissani mittarfiup tallinissaa pisariaqartinneqarpoq
Inuit Ataqatigiit Kujataani illoqarfiit anginersaanni immikkoortortaqarfiat siunnersuummut isumaqataasunut maanna aamma ilannguppoq.
- Angallannikkut attaveqaatit illoqarfiit, nunap immikkoortuisa, nunallu nutaaliaasumik inuussutissarsiornikkut, kulturikkut, ilinniartitaanikkut allarpassuartigullu ineriartornerinut tunngavippiaasarput. Aamma taamaappoq Qaqortumi, Inuit Ataqatigiit Qaqortumi immikkoortortaqarfiani siulittaasoq Erika Nielsen Baadh tusagassiorfinnut nalunaaruteqarluni taama allappoq.
Aamma atuaruk Asii kommunip soqutigisai partiimi soqutigisaanit salliutinneruai
Immikkoortortaqarfik isumaqarpoq Qaqortup suluusalinnut mittarfittaarnissaa aningaasarsiornermut pisariaqarluinnartoq.
Naalakkersuisut mittarfiit pillugit ataatsimoortumik siunnersuutaanni sanaartornerit tallimat pineqarput. Taakkununngalu ilaavoq Qaqortumi mittarfiliornissaq, pilersaarutillu taannartaa IA Qaqortup ilassilluarpaa.
Aamma atuaruk Mittarfiit tallilerneqarnissaat IA-p akerleraa
