Naalakkersuisut maleruagassanik oqilisaapput
Maleruagassanut ilassuteqaatimut erseqqissaateqartoqarpoq, erseqqissaatip atuutilernerani ingerlatseqatigiiffiit aatsitassanik ilaatigut qinngornernik ulorianartunik akulinnik nassaarsimasut sumiissusiliisimasullu, avatangiisinut sunniutaasussanik nalilersuinermik aamma inuiaqatigiinni piujuartussamik iluaqutaasumik sunniutaasussanik nalilersuinermik suliaqarnissamut akuersissummik qinnuteqarsinnaalerput.
Assersuutigalugu Greenland Minerals and Energyp Narsap eqqaani Kuannersuarni pisinnaatitsissumminut tunngatillugu avatangiisitigut aningaasaqarnikkullu misissuinernik suliaqarnissamut qinnuteqaataa akuerineqarpoq.
Maleruagassanut ilassuteqaammi erseqqissaatigineqarpoq avatangiisinik nalilersuinerit assigisaasalu inaarsarneqarnissaannut akuersissut, qinngornernik ulorianartunut tunngatillugu misissuinissamut piiaanissamullu akuersissummik tunisinerunngitsoq.
- Kalaallit Nunaanni uranimut politikki taamaalilluni allannguuteqanngilaq, aamma qinngornernut ulorianartunut tunngatillugu misissuinissamut qalluinissamullu akuersaanngilluinnarneq taamaalilluni atuuppoq, Aatsitassanut Ikummatissanullu naalakkersuisoqarfik taama allappoq.
