Nuummi inissiarsuarni najugaqartut 1.903-t attartornermut akiliutit qaffaavigineqarneranit ukiortaamit eqqorneqassapput.

Naalakkersuisut inigisanut akiliutit aappaagu qaffaaviginiaraat

INI A/S-imit inissiat ilaanni najugaqarneq aappaagu akisunerulersinnaavoq. Inissianimi 2.877-ini inimut akiliutit qaffanneqassapput.

Namminersorlutik Oqartussat inissiataanni najugaqaruit ineqarnermut akiliutit qaffanneqarsinnaavoq. Tassa Namminersorlutik Oqartussaat inissiaatileqatigiiffiani INI A/S-imi.

Naalakkersuisummi aappaagumiit aallartittumik ineqarnermut immikkoortortaqarfiit ilaanni akiliutit qaffaaviginiarlugit aalajangerpaat.

Ineqarmut naalakkersuisoq Naaja H. Nathanielsen (IA) tusagassiuutinut nalunaaruteqarpoq.

AAMMA ATUARUK Inissianut aserfallatsaaliuinermut 12 milliardit koruunit atorfissaqartinneqartut

Taassuma oqarnera naapertorlugu inissiani 2.877-ini inimut akiutit qaffanneqassapput.

Ini A/S-imiimmi inissiatoqarpassuit nutarternissaat pisariaqartinneqangaatsiarpoq. Naaja Nathanielsenip oqarnera naapertorlugu pinasuartumik iluarsartuussinissat 4,9 millionit koruuninik naleqartut pisariaqartinneqarput.

- Ineqarnermut akiliutinut iluarsiissutissat atorlugit Namminersorlutik Oqartussat inissiaataanni aserfallatsaaliuisoqarsimannginneranut ajornartorsiut peerneqassanngilaq, kisiannili iluarsagassat sukkasuumik pisariaqarluinnartumillu iluarsisassat ingerlatsinermilu aningaasartuutit isumagineqarnissaat qulakkeerneqassaaq, Naaja H. Nathanielsen oqarpoq.

Qaammammut 560 koruunimik akisunerussasut

Namminersorlutik Oqartussat inissiaataanni najugaqartut pitsaasumik najugaqassasut taassuma tusagassiuutinut nalunaarummi ilanngullugu oqaatigaa.

Inissiat attartornermut akiliummik qaffaavigineqartussat tassaapput Namminersorlutik Oqartussat inissiaataannit 16-iusunit arfineq marluk.

Assersuutigalugu nuna tamakkerlugu illut ilaqutariinnut inissiat imaluunniit illut affarleriit 119-it attartornerinut akiliutit qaammammut 560 koruuninik akisunerulissapput, taamaalilluni ukiumut katillugit 6.720 koruunik akisunerulerlutik. Nanortalimmi inissiarsuit angeqqatipajaavinut attartornermut akiliutit ukiumut 3.180 koruuninik qaffaavigineqassapput.

AAMMA ATUARUK Pisortat inaataani najugaqartut iluarsartuussinissamut utaqqisariaqarput

Namminersorlutik Oqartussat inissiaataanni ineqarnermut akiliutit ukiumoortumik akit allanngoriartornerinut nalilersuut malillugu iluarsineqartassasut, tamannalu siullermeertumik 1. januar 2023-mi pissasoq, Naaja H. Nathanielsenip ilanngullugu ilisimatitsissutigaa.

- Taamaalilluni najugaqarfinni missingersuutitigut amigartooruteqartarnissaq pinaveersaartinneqassaaq, oqarpoq.

Aajukua najugaqarfiit 1. januar 2022-mit ineqarnermut akiliutinik qaffaavigineqartussat:

 

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat