Naalakkersuisut imminnut akerlileqattaarput

Sulisitsisut Peqatigiiffiani pisortap Henrik Lethip Naalakkersuisut politikkikkut aningaasarsiornikkullu ingerlatsineq pillugu nalunaarusiaat sakkortuumik isornartorsiorpaa.

Qaleralinnik raajanillu nunami tunisassiorfinnut tunisisariaqarneq aallaavigalugu aalisariutaatillit peqqussutit naapertorlugit atortuminnik aningaasarpassuarnik nutarterereersullu naalakkersuisut maanna peqqussutinik qasukkaanerat aalisariutaatilinnut aningasanik asuliinnaq atuititsivoq. Pissutsit taamaatsillugit akileraarutinillu qaffaanissaq eqqartorneqartillugu kikkut pisarineqarsinnaasut aalisarnissaannut aningaasaleerusussanersut takujuminaappoq, Sulisitsisut Peqatigiiffianni pisortaq, Henrik Leth oqarpoq.

Assigiinngitsutigut killilersuisoqareeqaaq Sulisitsisullu Peqatigiiffianniit aalisariutit aningaasaliiffiigisarnerannut peqqussutit qasukkarneqarnissaat perusunnerugaluaqaarput, taamaalilluta suliffissat pisariaqartinneqartut pilersissinnaaniassagatsigit. Aningaasaliisinnaasut killilersorlugillu aalisarnermut amerlasoorpassuarnik aningaasaliisoqarnissaa piumasarineqarsinnaanngilaq, Sulisitsisut Peqatigiiffianni pisortaq, Henrik Leth oqarpoq.

Aalisarnermut naalakkersuisoq, Finn Karlsen oqaaseqartinniaraluaratsigu iluatsinngitsooorparput.