Naalakkersuisut immikkut siunnersorteqartarunnaassapput
- Taamaalilluni Naalakkersuisunut ilaasortat immikkut siunnersortinik siunissami atorfinitsitsisannginnissaat aalajangiunneqarpoq, Naalakkersuisut siulittaasuata Naalakkersuisoqarfiani pisortaq, Søren Hald Møller nalunaarummini allappoq imalu nangilluni.
- Naalakkersuisunut ilaasortat immikkut siunnersortinik atorfinitsitsisarnerat marsip aallartinneranili unitsinneqarallartoq taamaalilluni maanna atuuttussanngortinneqarluni aalajangiunneqarpoq, Søren Hald Møller allappoq.
Immikkut siunnersortinik atorfinitsitsisarnermi kaajallaasitaq, siorna 2014-imi januaarip aallaqqaataaniit Aleqa Hammondimit, taamani Naalakkersuisunut siulittaasuunerata nalaani, atuuttussanngortinneqaraluarpoq.
Kaajallaasitap taamani atuuttussanngortinneqarnerata kinguninngua, Aleqa Hammondip taamani aapparisaa, Aalisarnermut taamani naalakkersuisumut, Karl Lyberthimut immikkut siunnersortaalernera inuiaqatigiit akornanni aalassassutaagaatsiarpoq.
