Naalakkersuisut ilisimasaqarluartumik sinniiseqalerput
Timmisartortitseqatigiiffiup eqqunngitsumik tusagassiutitigut saqqummiunneqartarnera Naalakkersuisut isornartoqartikkaat, angallannermut naalakkersuisup Kim Kielsenip ataatsimeersuarnermi oqaatigaa. Air Greenlandimmi pisortaata Mikael Binzerip qaqqaqqalaarutigisimavaa naalakkersuisooqatigiit allanngornerisa kingunerisaanik Air Greenlandip siulersuisuini naalakkersuisut toqqagaat allanngussajunnarsisut, naalakkersuisut iluarisaannik taarserlugit.
Kim Kielsenip isornartorsiuineq eqqunnginneraraluaraa, IAp ilaasortaatitaa Alfred Jakobsen taarserlugu Greenland Tourismimeersoq Bjarne Eklund ilaasortanngortinneqarpoq.
Mikael Binzerillu Bjarne Eklund Air Greenlandip siulersuisuiniilernera nuannaarutigaa; pissutsilli politikkikkut aalajangerneqartarnerat suliffeqarfiit annerusut ineriartornissaraluannut aporfissalerneqartarnerarlugit.
Ataatsimeersuareernerup kinguninngua Mikael Binzerip oqaaserisimasani naqqiissuteqarfigalugit nalunaarpoq Air Greenlandip ingerlanneqarneranut ilisimasaqarluartumik naalakkersuisut sinniiseqalersut.