Naalakkersuisut ilassinnissutit uterteqquaat

Naalakkersuisuni ilaasortaasimasut Jens Napaattooq, Rasmus Frederiksen aamma Jørgen Wæver Johansen kiisalu massakkut Naalakkersuisuni ilaasortaasut Josef Motzfeldt aamma Johan Lund Olsen aningaasanik utertitsinissamik piumasaqarfigineqarsinnaasut Eqqartuussisuserisut Nuna Advokater taama naliliivoq.

Kukkunersiuisartut Deloitte-kkut ilassinnissutinik misissuisimanerat tunngavigalugu eqqartuussissuserisut Nuna Advokater Naalakkersuisunit piumaffigineqarsimapput misissueqqullugit.

Naalakkersuisuni ilaasortaasimasut Jens Napaattooq aamma Rasmus Frederiksen aningaasanik annertuunik utertitseqqullugit Naalakkersuisunit piumaffigineqassapput. Naalakkersuisuusimasut piumaffigineqassapput sapaatip-akunneri pingasut qaangiutsinnagit paasissutissanik utertitsinissamik piumasaqaammik allanngortitsisinnaasunik nassitseqqullugit.

Massakkut Naalakkersuisuni ilaasortaasut Josef Motzfeldt aamma Johan Lund Olsen kiisalu Naalakkersuisuni ilaasortaasimasoq Jørgen Wæver Johansen annikinnerusumik tassalu 2000 koruuniniit 14.000 koruuninut utertitsinissamik piumaffigineqassapput. Aningaasat taakku ullut 14-t qaangiutsinnagit akilerneqareersimassapput.

Naalakkersuisut siulittaasuat Hans Enoksen oqarnerarneqarpoq:

- Eqqartuussissuserisut Nuna Advokaterne misissuinerat erseqqissumik oqariartuutilik maanna naammassivoq. Taamaattumik Naalakkersuisut aningaasanik utertitsinissamik piumasaqaateqalersaarput. Suliassaq manna pakatsinarpoq, kisianni nuannaarutigaara suliaq pitsaasumik naammassisinnaaleratsigu. Taamaattumik pineqartut qinnuigissavakka utertitseqqullugit suliaq naammassineqarsinnaaniassammat, taama oqarpoq Hans Enoksen.

Eqqartuussissuserisut misissuinerat Namminersornerullutik Oqartussat nittartagaanni takuneqarsinnaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat