ASSIT Naalakkersuisut hashitorsimanersut paasiniarlugu qoorsiortilersut

Naalakkersuisunut ilaasortat tamarmik ullumikkut quisinneqassapput, quui hashimik akoqarnersut misissorneqassammat. Tamannalu Doris Jakobsenip hashimik atornerluinerup akiorniarneqarnissaanut iliuusissatut pilersaarusiaanut atatillugu pissaaq.

Peqqissutsimut Naalakkersuisup Doris Jakobsenip tusagassiortunik katersortitsilluni iliuusissatut pilersaarutini saqqummiuppaa, tassungalu atatillugu nalunaarutigalugu Naalakkersuisut akiuiniarnissamik pilersaarut ataatsimoorfigalugu takutikkusukkaat.

Nunatta siuttui Dronning Ingridiup Napparsimmavissuani sulisunit nalunaaqutaq 14.15 quisinneqalerpata Inatsisartunut ilaasortat aamma tunniussisinnaapput, tamannali namminneq aalajangigassaraat.

Aamma atuaruk VIDEO Hashimik atuineq qaffakkiartortoq meeqqanut sunniuteqartarpoq

Aamma atuaruk Innuttaasut peqqissusaat pillugu nalunaarusiaq saqqummerpoq

Ullualunnit qaammatinut arlalinnut

Hashi qanoq sivisutigisumik quup misissorneratigut nassaarineqarsinnaanera inummit inummut assigiinneq-ajorpoq. Hashimik akulikitsumik pujortartaraanni, tamanna piffissami sivisunerusumi uuttortarneqarsinnaasarpoq. Akulikitsumik atuineq pujortarnerup kingorna qaammatini arlalinni uuttortarneqarsinnaasarpoq, aammali ilaatigooriarluni ullualuinnarni uuttortarneqarsinnaasarluni.

Haship akua THC nassaariniarneqartarpoq. THC timimiilersarpoq quukkullu arriitsuarannguamik timimit peeriartortarluni. Tamannalu pissutigalugu aaviineq atornagu qoorsiuineq atorneqartarpoq.

Nittartakkami narkotester.dk-mi paasissutissat amerlanerusut atuarneqarsinnaapput.

Aamma atuaruk VIDEO Ikiaroornartuerniat Inatsisartunit ikilisinniarneqarput

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat