Naalakkersuisut eqqillit inooqatigissavaat

Præsident Obamap, Naalakkersuisuni peqquvai eqqillit akornanni minnerpaamik ulloq ataaseq inuussasut, paasiniassammassuk, eqqilittut inuuneq qanoq innersoq. Nunat inoqqaavisa atugaat pillugit FN-imi isummersoqatigiiffimmi ulluni makkunani pisumi tusakkat taanna ilagaat.

Permanent Forum FN-ip Nunat inoqqaavisa pisinnaatitaaffii pillugit, ataatsimiinnerit New Yorkimi maanna ingerlanneqaleruttorpoq.

Permanent Forum, FN-imi nunat inoqqaavisa pisinnaatitaaffii pillugit sulinerminni ikioq manna ukiut qulinngortorsiorput. Inuit inoqqaavi 360 millionit missaaniittut sullitaraat. Inuit inoqqaavisa aallartitaat FN-ip allaffeqarfiani ukiut tamaasa sapaatit akunnerini marlunni ataatsimiittarput,  Namminersorlutik Oqartussanit aallartitat, ICC-iimiillu aallartitat ukioq manna peqataallutik.

Ukiuni kingullerni qulini, FN-ip nunap inoqqaavisa pisinnaatitaaffii pillugit suleqatigiinnermi angusimavaat, nunap inoqqaavisa pisinnaatitaaffiisa qaffassarneqarnerat, maannamullu nunat nunarsuaq tamakkingajallugu atsioqataasimalerput.

Amerikami tassa USA-mi naalagaaffimmi pissutsinut ministerimut tullersortip Donald Laverdure-ip, radioavisimut oqaatigaa, Præsident Obamap anguniaraa eqqillit - indiaanerit - pisinnaatitaaffii annertuumik pitsanngorsarneqassasut. Taamaattumik Præsident Obamap, Naalakkersuisuni peqquvai eqqillit akornanni ulloq ataaseq inuussasut, paasiniassammassuk, eqqilittut inuuneq qanoq innersoq.

FN-imi ataatsimeersuarnermi inuit 2000-it peqataasut, ilanngutassiortorpullu Marianne Steenbæk aamma New Yorkimi peqataannermini taamak ilanngutassiaa, kalaallisuunngortipparput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat