Naalakkersuisut Business Class atorlugu angalaqatigiinnerat 397.000 koruuneqartoq

Politikerit pingasut, atorfillit tallimat aapparisarlu ataaseq nunatsinnit Kinamut utimullu akisunermi angalanerat 400.000 koruuninik akeqarpoq. Tamatuma saniatigut aallartitat sinnerisa nalinginnaasunik bilitsii aningaasartuutaapput. Tamanna paasitinneqarsinnaatitaaneq atorlugu KNR-ip pissarsiarisaani takuneqarsinnaavoq.

Politikerit pingasut, atorfillit tallimat aapparisarlu ataaseq nunatsinnit Kinamut utimullu akisunermi angalanerat 400.000 koruuninik akeqarpoq. Tamatuma saniatigut aallartitat sinnerisa nalinginnaasunik bilitsii aningaasartuutaapput. Tamanna paasitinneqarsinnaatitaaneq atorlugu KNR-ip pissarsiarisaani takuneqarsinnaavoq.

Naalakkersuisut Kinami inuussutissarsiornikkut novembarip aallartinnerani nittarsaassiartornerat iluatsilluinnarpoq.

Naalakkersuisut angalaneq pillugu namminneq taama oqaaseqarput.

Naalaakkersuisunulli ilaasortat sisamat, naalakkersuisoqarfiit pisortaat pingasut, aallartitallu allat aqqanillit Kinaliarnerat uternerallu akikissimanngilaq.

Naatsorsornera
Angalanermut aningaasartuutit tamarmiusut, 511.114 koruunit.
 - Business Classimut aningaasartuutit tamarmiusut, 397.277 koruunit.
 - Akikinnernut aningaasartuutit tamarmiusut, 113.837 koruunit.

Naalakkersuisut angalanerannut tunngatillugu bilitsinut 18-iusunit 16-inut aningaasartuutit KNR-ip paasitinneqarsinnaatitaaneq atorlugu paasivai.

Angalasunilu qulingiluat SAS-ip angalanissamut periarfissarititaani pingasuusuni akisunerpaami angalasimasut paasinarsivoq.

Naalakkersuisut angalanerannut tunngatillugu bilitsinut 18-iusunit 16-inut aningaasartuutit KNR-ip paasitinneqarsinnaatitaaneq atorlugu paasivai.

Ilaasortat qulingiluat Business Class atoraat

Angalaqatigiit 16-it aningalanerannut aningaasartuutinik takunnikkumaneq naapertorlugu, angalaqataasut qulingiluat SAS-ip angalanermut periarfissarititaanik akisunerpaamik atuisimanerannik takutitsivoq. 

Tassalu Københavnimit Beijningimut utimullu, billetsi ataaseq 32.077 koruuneqarluni. Angalaneq nalunaaquttap akunneri qulingiluat missaannik sivisussuseqarpoq.

Tamatumunngalu ilanngunneqassapput Nuummit Københavnimut siumut utimullu akisunerni angalaneq.

Business Class atorlugu angalasanut qulingiluanut billitsit angalanermut aningaasartuutinit tamarmiusunit 397.277 koruuninik amerlassuseqarput.

Business Class
Naalakkersuisunut ilaasortat naalakkersuisoqarfinnilu pisortat Nuummit Beijingimut utimullu angalaneranni Air Greenlandip periarfissarititaani marlunni pitsaanerpaaq, SAS-illu periarfissarititaani pingasuusuni pitsaanerpaaq atorneqarput.

Nunatta Danmarkillu akornanni siumut utimullu Business Classimik angalaneq inummut ataatsimut 14.658 koruuneqarpoq.
Issiaviit initunerupout, niunut inissaqarnersoq, amerlanerusunik nassartoqarsinnaavoq Københavnimilu loungemiittoqarsinnaalluni.

Danmarkip Kinallu akornanni Business Classimut billetsit inummut ataatsimut 32.077 koruuneqarput.

Business Classimi issiviit siniffinngortillugit nallakartinneqarsinnaapput. Issiaviit tagiartuisinnaapput qarasaasiamulu aamma sullivissaqaruni. Aammattaaq nerisassiat pingasuupput champagneqarlunilu.

Inatsit malinneqarpoq

Taamaaliornerlu inatsisit naapertorlugit iliorneruvoq.

Naalakkersuisut 1. klassimi assigisaanilu angalasinnaatitaapput, tamannalu atorfilinnut Naalakkersuisunut ilaasortanik angalaqateqarnermi aamma atuuppoq.

Business Classimi angalanermut 400.000 koruuningajaat atornissaat pissusissamisoornersoq, KNR-ip Naalakkersuisut siulittaasuat Kim Kielsen isummersoqquaa.

- Taamatut angalaneq, taamatullu angalariaaseqarneq, immikkut ittuunngitsutut kukkunerunngitsutullu Naalakkersuisunit isigaarput. Naalakkersuisut siulittaasuata Naalakkersuisoqarfia KNR-imut mailikkut taama allappoq.

Atorfillit nalinginnaasut angalanerannut aningaasartuutit ikinnerupput. Taakkumi angalanerat 113.000 koruuniinnarnik akeqarpoq.

Tassalu Naalakkersuisut naalakkersuisoqarfiillu pisortaat bilitsiinut aningaasartuutinut naleqqiullugu sisamararterutaallutik.

Angalaqatigiit siumut utimullu angalanerat katillugu 511.114 koruuneqarpoq.

Aalisarnermut Piniarnermillu naalakkersuisoqarfimmit peqataasut marluk, tassalu

Aalisarnermut Piniarnermullu Naalakkersuisoqarfimmiit angalaqataasut marluk, tassaasut Naalakkersuisoq Karl Kristian Kruse Naalakkersuisumullu allatsi, angalanerannut takussutissiat piumaneqarnerannit qaammatit pingasut qaangiukkaluartut KNR-ip suli pissarsiarinngilai.

Politikerit pingasut angalanermut peqataasut allat tassaapput, Kim Kielsen, Hans Enoksen Mute Bourup Egedelu.

AAMMA ATUARUK Naalakkersuisunut ilaasortat sisamat Kinamut pilerisaariartulersut

AAMMA ATUARUK Kim Kielsen Beijingimi Kalaallit Ulluannut qaaqqusisoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat