Qaanaami piniartut annerusumik qernertalinik qilalugartasseeqqusinerat Piniarnermut ataatsimiititaliami amerlanerussuteqartut taperserpaat. Toqqorsivimmit assi

Naalakkersuisut avannaani qilalugartassiissuteqarnerunissamut tatineqaraluttuinnartut

KNAPK-p Qaanaami Savissivinnilu qernertanik qilugartasseeqqittoqarnissaanut qinnuteqarnera Aalisarnermut, Piniarnermut Nunalerinermullu ataatsimiititaliap tapersersorpaat. Demokraatilli akerliupput.

Ittoqqortoormiinut, Tasiilamut Upernaviullu eqqaanut qernertanik qilalugartassiissutit ilaneqarsinnaanissaannut periarfissat naalakkersuisut misissuinissaat, ataatsimiititaliami amerlanerussuteqartut aamma kaammattuutigaat.

Aalisarnermut, Piniarnermut Nunalerinermullu ataatsimiititaliap siulittaasua Henrik Fleischer, Siumumeersoq, tusagassiutinut taama ilaatigut allaaserisaqarpoq.

AAMMA ATUARUK Qaanaamut qernertanik qilalugartasseeqqqissanngilagut

Qernertanik qilalugartassiissutit ilaneqarnissaat piumasaralugu Qaanaami piniartut akerliussutsimik sapaatip-akunnerata siuliani takutitsipput, innuttaasut amerlasuut tamaani piffissap taamaalinerani isertitakinnerusarnerat tassani ilaatigut tikkuarneqarluni.

Pisasseeqqinnerit pillugit akulikitsumik oqallisiginnilluni ilungersunartumik inissittarnerup pinaveersaartinneqarnissaa pillugu naalakkersuisut ataatsimiititaliamit iliuuseqaqquneqarputtaaq, puisit amiinik tunitsiveqarnikkut pissutsit pitsanngorsaavigineqarsinnaanissaat assersuutigineqarluni.

Demokraatit: Pisassiissuteqarneruneq Nunatta inissisimaneranut nukillaarsaataassaaq

Ataatsimiititaliami ikinnerussuteqartut Demokraatineersut siunnersuut tapersersunngilaat:

- Pisassiissutit amerlineqarsinnaanerisa illersorneqarsinnaanerat Demokraatinit isumaqataaffigineqanngilaq, pisassiissutinik amerliliineq Kalaallit Nunaata inissisimaneranik nukittorsaataanani uppernassuseqarneranik nukillaarsaataassaaq, Demokraatit siunnersuummut akerliunerminnut atatillugu ilaatigut taama oqarput.

Piniartut Pinngortitaleriffillu suleqatigalugit naalakkersuisut suleqatigiinnermik aallartitsinissaat taakku kaammattuutigaat.

AAMMA ATUARUK Qaanaami innuttaasut akerliussutsimik takutitsisut

Atlantikup Avannaani miluumasut imarmiut pillugit Kommissioni, NAMMCO, suleqatigalugu nunatta avannaani kangianilu pisassiissutit kingusinnerusukkut amerlineqarsinnaanerat naalakkersuisunit sulissutigineqartariaqartoq Demokraatit isumaqarput, NAMMCO-mmi nunani tamalaani pisassiissutit aalajangersaaffigisarmagu.

Aamma Demokraatit tikkuarpaat, Naalakkersuisut pisassanik amerliliiniannginnermut tunngavilersuutigigaat, 2019-imi pisassat allat suli sinneqartut, taavalu aamma tuttunniartoqarsinnaallunilu umimmannniartoqarsinnaammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat