Naalakkersuisut aningaasanut inatsisissatut siunnersuutissartik ullumi saqqummiutissavaat
Nunatta karsianit aappaagumut atugassiissutaasut qanoq atorneqassanersut saqqummiunneqassallutik.
Aningaasaqarnermut Naalakkersuisoq Vittus Qujaukitsoq tusagassiortunik katersortitsinermut aggersaasuuvoq, tassanngaanniillu ullup qeqqaanerani Radioaviisimi toqqaannartumik aallakaatitsiumaarpugut.
Isumaqatigiinniarnerit sakkortunissaat ilimagineqarpoq
Aningaasanut inatsisip inaarutaasup qanoq isikkoqarnissaa, Inatsisartut ukiaanerani ataatsimiinneranni ukiut tamaasa pingaarnertut sammineqartarpoq. Aningaasat ilinniartitaanermut, inuussutissarsiutitigut suliniutinut imaluunniit inissianut atorneqassappat?
Naalakkersuisut ukiormanna aningaasanut inatsisissaq pillugu isumaqatigiinniarnerit sakkortuut aqqusaartussaassagaat, alaatsinaattut naliliipput.
Aningaasaqarnermut nunami namminermullu naalakkersuisup Vittus Qujaukitsup utoqqalinersiuteqalernissamut ukiorititaasut 65-init 67-inut allanngortinneqarnissaannik siunnersuuteqarnissaa ilimagineqarpoq
