Naalakkersuisut: Akissarsiat qaffatsaaliorneqassapput
marsip 14-at 2005 07:21
Aningaasaqarnikkut ingerlatsineq pillugu Naalakkersuisut nalunaarusiaanni, nunatta aningaasatigut siuariartornernissaanut 2005-miit 2020-mut aningaasaliinissami, akissarsiat qaffaataasa 2008-p tungaanut ikilinissaat, Naalakkersuisunit anguniarneqarpoq.
Nalunaarusiami akissarsiat qaffannagit ilinniaqqinnissamik pitsaanerusumik kattuffiit neqeroorfiginiarneqarput. Aamma ukiut qassit sulisimanerup apeqqutaajunnaariartornissaa, naammassisaqarsinnaassuserli tunngavigalugu akissarsiat inissinneqartalernissaat Naalakkersuisunit siunniunneqarpoq.
Pisiassanik akitsuinaveersaarnikkut akissarsiat qaffatsinnaveersaanniarneqarput, taamaalilluni aningaasat pisussitissat amerlanerulissammata.