Naalakkersuisut aalisartut piumasaqaataannut qanipput

Sinerissamut qanittumi qaleralittassiisoqarnissaanut pisassiissutissanut naalakkersuisut innersuussutaat illuatungaanilu KNAPK-p piumasaqaatai imminnut ungasinngillat.
Allattoq Janus Maqé
novembarip 17-at 2010 15:03

- Innersuussuterput isigissagaanni immitsinnut ungasippallaanngilagut, aalisarnermut naalakkersuisoq Ane Hansen oqarpoq.

Sinerissamut qanittumi qaleralittassiissutissatut naalakkersuisunit innersuussutigineqartut 20.500 tonsiupput, illuatungaanilu KNAPK-mit piumasarineqartut 22.000 tonsiullutik.

Aqutsiveqarfiit pingasuusut qaleralittassiiffigineqartartut saniatigut sinerissami killeqanngitsumik qaleralinniartoqarsinnaavoq. Ukiunilu kingullerni marlunni taakkunani 400 tonsit pisarineqarsimapput.

21.000 tonsinik qaleralittassiineq piujuaannartitsinissamut akornusiissanngila?

- Tamaviaarluta sulissutigaarput aalisakkat avammut tunisartakkatta MSC-mik nalunaaqutserneqartarnissaat, nungusaataanngitsumik aalisartoqarnissaanik piumasaqarnermik kinguneqartussaq, Ane Hansen oqarpoq.

(MSC tassaavoq pitsaassutsimik nalunaaqutsersueriaaseq suliniaqatigiiffinnut sunulluunniit atanngitsoq, aaqq.)

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq