Naalakkersuisunut siulittaasunngorniunneq

Partii Siumut aqagu siulittaasussarsiussaaq. Inatsisartunut tulliani qinersisoqareerpat Naalakkersuisut siulittaasuattut imminut kina taasinnaalissanersoq qinersinermi aalajangiisuulissaaq.
januaarip 22-at 2008 05:27

Siulittaasussatut sassartut pingasuupput:

Maanna siulittaasoq, Naalakkersuisut siulittaasuat, Hans Enoksen, Naalakkersuisunut ilaasortaq, Aleqa Hammond aamma Ammassallip Kommuneani borgmesteri, Vittus Mikaelsen.

Siumut siulittaasussarsiortalermalli ilaasortat tamarmik pernaammik taasisinneqartussaapput, ilaasortat tamarmik taamaalillutik sunniuteqarsinnaaniassammata.

Siulittaasutut qinigassanngortittut pingasut taakku tamarmik qinersisut affaanit amerlanerusunit qinerneqassappata amerlanernit taaneqartut marluk januaarip ulluisa 30-anni unammissapput.