Naalakkersuisunngortut nunanut allanut politikkiat nunatsinnut qaninneruvoq
Issittumi periusissanut isumaqatigiissutip piviusunngortinneqarnissaanut naalakkersuisunngortussat isumaqataanerat pingaaruteqartoq, Kuupik Kleist oqarpoq.
Folketingemut qineqqusaarnermi Kuupik Kleistip maluginiarpaa, maannakkut naalakkersuisunngortussat nunanut allanut aamma nunarsuarmi pissutsinut isiginneriaasiat allaanerussuteqartut, naalakkersuisuusimasunut sanilliullugit.
Kalaallit Nunaata, nunanut allanut soqutigisaat naalakkersuisunngortussat soqutigisaannut qaninnerusut, Kuupik Kleistip maluginiarpaa.
-Danmarkip Kalaallit Nunaata akornanni pissutsit aamma nunat taakku akornanni naapiffiginiartakkat eqqarsaatigalugit tassaapput nunanut allanut aamma nunarsuarmioqatinut tunngassuteqartut, - Kuupik Kleist oqarpoq. Taakua pilllugit naalakkersuisunngortussat sulilernissaat Naalakkersuisut siulilttaasuata pissanngatigivai.
Issittumi periusissat pillugit isumaqatigiissut nunat issittut siunnersuisoqatigiivisa isumaqatigissutaat, nunatsinnut pingaarnerpaanut ilaasoq Kuupik Kleist oqarpoq.
Isumaqatigiissut taanna maannakkut naalakkersuisunngortussat isumaqatigivaat, taamaattumillu Kalaallilt Nunaanni Naalakkersuisut , Danmarkimilu naalakkersuisunngortussat suleqatigiinnissaat pingaaruteqarujussuusoq, Kuupik Kleist oqarpoq.
Danmarkimi naalakkesuisunngortut oktoberip qaammataata naalernerani Kuupik Kleist ip oqaloqatigissallugit oqarpoq.
