Naalakkersuisunngortitsiniat aqqanermut naapissapput

Sapaatip-akunnera kingulleq naavoq, suli naalakkersuisunngortitsisoqarnani. Siumup, Inuit Ataqatigiit aamma Atassutip isumaqatigiinniarnerat tallimanngormalli ualikkut annerusumik nikeriaqqinngillat, partiilli pineqartut tallimanngormat akaareqatigiillutik avissaarallarsimapput.

Isumaqatigiinniarnerit ippassaq ualikkut nangeqqinneqartussaasimagaluarput, sivikitsuinnarmilli ataatsimeeqatigiissimallutik, partiit piffissaqarnerorusussimammata. Taarsiullugu partiit tamarmik immikkut piumasaqaatissaminnik periusissaminnillu sapaatip-akunnerata kingulliup naanera atorlugu aalajangersaapput. Maannalu apeqqutaaginnalerpoq, partiit tamarmik immikkut piareersaataat naammannersut, isumaqatigiinniarnerillu nangeqqinneqassanersut. Partiit naalakkersuisunngortitsinissamik siunertaqartut ulloqeqqata siornatigut nalunaaqutaq aqqarnermut naapissapput. Oqaluuserisassalli partiit akunnerminni isumaqatigiinngissutigisaat suli oqaluuserineqanngillat, taakkununnga ilaalluni Siumup meeqqanut checki pillugu anguniagaa.

- Maannamut ilisimasarput tassaavoq, isumaqatigiinngissuteqarsinnaagatta qaangerniagassatsinnik. Kuupik Kleist Sermitsiap nittartaagaanut oqarpoq.