Naalakkersuisunngortitsiniarneq: Múte B. Egede peqqissaarnissaq piffissamit pingaarneruvoq

Naalakkersuisooqatigiinnissamut isumaqatigiissut apriili qiteqquteriitsiarnerani piareeqqasinnaasoq, qinersinermi ajugaasup Múte Bourup Egedep qinerseriitsianermi oqaatigaa.

Kisianni ullumi, sisamanngornermi apriilip 15-ani, suli isumaqatigiissusiortoqanngilaq.

- Uani sapaatit akunneranni naammaassineqarsinnaappata ajussanngilaq. Kisianni peqqissaartumik torersumik pitsaasumillu inuiaqatigiinnut saqqummiussinissarput pingaarnerpaarpaajutipparput.

- Taamaammat aggermat aamma uaneerakasinngormat qilanaarpugut. IA-p siulittaasua KNR-mi Nunatta Nipaanut oqarpoq.

AAMMA ATUARUK Atassut: Naalaaffeqatigiinnermut apeqqut akunnaffiuvoq

Qulequttalli qitiusut partiinik allanik isumaqatigiinniarnermi oqallisigisamik oqaluuserinissaanut piareeqqavoq.

Kuannersuit oqallisinut ilaasut

Aatsitassanillu uranitalinnik piiaasoqassanersoq IA-mut qitiulluinnarpoq:

- Nunatsinmni avangiisivut ineriartornerup tunngavissinnissaa. Ilaatigullu Kuannersuarnik apeqqut aamma tassaniippoq.

Aammali qineqqusaarnermi oqallisaaaqisoq alla isumaqatigiinniarnerni inituvoq.

- Inuit ulluinnarni atugaanni massakkut pitsanngorsaasariaqavissornermik naalakkerrsuinermik suliaqartussat oqariartorfigineqaatigisatta ataatsimoorfiusumik suliarineqarnissaanik anersaaq pigineqarnersoq.

Partiip sorliulluunniit nunatsinnik aqutserusuttup partiinut allanut naaperiaasariaqalernera, qinersisartut apriilip arfernanni Inatsisartussanik qinersinerisa kinguneraa.

AAMMA ATUARUK Naleraq naalakkersuisoqatigiinnissamut isumaqatigiinniarnerit pillugit: Qanilliartorpugut

IA aqqaneq marlunnik ilasortaatitaqalerami Inatsisartuni kisimiilluni amerlanerussusiisinnaanngilaq. Partii inatsisartunut ilaasortanik ikinnerpaamik 16-inik taaneqarsinnaajumalluni, partiinik allanik suleqatissarsiortariaqarpoq.

- Soorunami partiit anguniakkatsinninngaanniit aamma naaperiarsinnaanerput nassaariniarlugu ingerlataqarpugut. Qanorlu ililluta anguniakkat aamma naammassineqarsinnaaneri naaperiutigalugit.

IA-p aningaaqarneq eqqarsaatigalugu aalisarnermit isertitat amerlisarusuppai. Aamma allaffissornikkut aningaasartuutikillisaaarusuppoq. Kisianni allaffissornermi sukkut sipaartoqassanersoq Múte B. Egedep oqaatiginngilaa.